గుండెపోటుతో యువ హీరో మృతి

టాలీవుడ్​లో విషాదం నెలకొంది. క్యారెక్టర్​ ఆర్టిస్ట్, హీరో సత్య గుండెపోటుతో ఆకస్మికంగా మృతిచెందారు. గురువారం సాయంత్రం గుండెపోటు రావడంతో కుటుంబ సభ్యులు వెంటనే హాస్పిటల్​కు తరలించారు. చికిత్స పొందుతూ హీరో సత్య మరణించినట్లు కుటుంబ సభ్యులు తెలిపారు. క్యారెక్టర్​ ఆర్టిస్టుగా కెరీర్​ను ప్రారంభించిన సత్య.. వరం సినిమాతో పరిచయమయ్యారు. పెద్దగా విజయవంతం కాలేదు. తర్వాత బ్యాచిలర్స్ మూవీతో మరోసారి తన అదృష్టాన్ని పరీక్షించుకున్నా.. ఫలితం రాలేదు. దీంతో సినిమాలకు గుడ్​బై చెప్పి.. వ్యాపారంపై దృష్టిపెట్టారు. అయితే గతేడాది సత్య భార్య, తల్లి మరణించారు. దీంతో తీవ్ర మానసిక క్షోభకు గురయ్యారు. అప్పటి నుంచి అనారోగ్యం పూర్తిగా దెబ్బతింది. హీరో సత్యకు ఎనిమిదేళ్ల కుమార్తె ఉంది.